SA MGA ganitong pagkakataon, ayoko talaga na mag-isa lang ako. Ang dami ko kasi naiisip at pakiramdam ko mapapraning ako. Nasa loob lang ako ng apartment ko kasi tinatamad akong lumabas. Bukod sa sobrang init kasi summer na, distracted din ako. Wala akong inatupag kung hindi ang isipin kung nakipagkita na ba si Martin kay Joy. Kung narealize ba niya na mahal pa rin niya ang babae. At paano kung narealize rin ni Joy na mahal din pala niya si Martin? What if they decide to start things over?
“Ugh!” Tumayo ako mula sa sofa at nagpalakad-lakad sa living room. Lalo ko tuloy nami-miss ang bestfriend ko. Lalo kong namimiss ang feeling na may kasama sa apartment. At least sana may didistract sa akin at hindi na lang puro si Martin ang naiisip ko.
Biglang may kumatok sa pinto at halos mapatalon
