*** JACOB ***
Hindi niya mapigilang pagmasdan ang magandang mukha ng kanyang asawa. Kasing aliwalas ng kalangitan ang mukha nito habang taimtim na nakikinig sa tagapagsalita sa kanilang harap. Naalala niya tuloy ang kakaibang kaba na kanyang naramdaman no’ng una niya itong nasilayan sa paaralan. Sino bang mag-aakala na ang babaeng unang nagpatibok ng kanyang puso noon ay siya rin palang naging ina ng kanyang mga anak ngayon? Hindi lang ang ganda nito ang may katangiang mala-anghel, pati na rin ang kalooban nitong labis na nagpabihag sa kan’ya. Parang nais niya tuloy na itanong sa panginoon kung ano ba ang nagawa niyang maganda na labis nitong ikinatuwa upang biyayaan siya ng ganito kaganda at kabait na asawa na makakasama niya hanggang sa huling yugto ng kanyang buhay.
Lumingon sa kan’
