Nakaupo si Marshmallow sa silya at umiinom ng kape sa isang café nang maupo si Byron sa katapat niya. Nakangiting tinignan niya ang binata na preskong-presko sa suot nitong checkered na t-shirt, nakamaong din ito at rubber shoes. Pagpasok pa lamang nito kanina ay napansin na niyang nakaagaw agad ito ng atensyon at sinusundan ng tingin ng mga dalagang nandoon din.
"Kumusta naman ang pamamasyal ninyo the other day?" pangungumusta nito na hindi pinansin ang mga matang nakatutok dito.
"It went well," kibit-balikat na sagot niya. "Nakita ko ang saya sa mukha ng anak ko na hindi mapapantayan ng kahit alinmang mamahaling bagay sa mundo."
"Salamat naman kung gano'n. Eh, hindi ka ba pinaparunggitan na naman ng lalaking 'yun?" seryosong turan nito.
"Hindi naman. Palaging kay Nigel ang atensyon n
