Nasa maliit na studio ng bahay niya si Marshmallow at nagpipinta kasama si Nigel na naglalaro naman sa sahig ng remote control na laruan nitong sasakyan. Sinunod niya ang utos ni Ashton kahapon na puntahan ito at mag-bonding sila. Ngunit tinamaan na naman siya ng kasipagan kaya ito? Nagdisisyon siyang magpinta, at ang subject niya ay ang anak na nasa sahig at busy sa paglalaro.
"Mama, darating kaya si Tito Papa?" sabi nito na nakatutok ang mata sa ginagawa.
"Hindi ko alam, 'nak." sagot niya. "Darating din 'yun 'pag hindi na siya busy."
Nag-angat ito ng mukha at tumingin sa kanya. "Tawagan mo po, Mama. Please!" nakalabing turan nito.
"Baka busy ang Tito Papa mo, 'nak. Hintayin na lang natin na kusa siyang darating," mahinahong bigkas niya.
Sumimangot ito. "Eh, Mama. Namimiss ko na po s
