Nag-angat ng mukha si Marshmallow nang may kumalabit sa kanya, nakasubsob kasi siya sa gilid ng kama. Nag-aalalang mukha ni Myrna ang nabungaran niya.
"Hija, take a rest. Ilang araw ka nang nandito at wala kang tulog," mahinang saad nito.
Umiling siya at tinignan si Ashton. "H-hindi ko ho kayang iwan dito si Ashton, g-gusto kong pagmulat niya ako agad ang makikita niya."
Hinaplos nito ang likod niya. "Hija, kailangan mo munang magpahinga kahit isang gabi lang. Namumutla ka, what if once he'll wake up. Ikaw naman ang nagkasakit. You don't want him to worry about you right?" panghihikayat nito.
Inayos niya ang kumot ni Ashton at umiling ulit. Paano 'pag umalis siya sa tabi nito ay may mangyayari sa binata? Gusto niyang nasa tabi lang siya nito at kausapin ito, na 'pag narinig nito ang ti
