*Flashback*
Naasar na hinablot ni Marshmallow ang unan at inihampas sa likod ng ulo ni Ashton na nakadapa at gumagawa ng assignment sa kama niya. Pagpasok pa lamang niya ng kanyang kuwarto ay siya agad ang naabutan niya. Kauuwi lang niya galing sa bahay ng kaklase niya at tinapos ang research project nila.
Napaungol ito ng sumubsob ang mukha nito sa papel at maguhitan ng mahabang linya ang papel. Nakita niyang sumimangot ito nang makita ang linya sa papel nito bago nilukot at ibinato sa likuran niya. Hindi tuloy niya nabistahan ng mabuti kung assignment ba talaga nito ang ginagawa nito.
"Pumasok ka na naman sa kuwarto ko ng walang pahintulot ko!" Namaywang siya at nilukutan ito ng ilong. "Puwede ba, Ashton, kapag wala ako 'wag kang basta na lang pupunta rito. Paano kapag may mga nagkala
