Naabutan ko si Lucan na maglalakad na sana pataas pero tumigil din ng makita ako.
"Dala mo ba?" pagtatanong ko.
Walang emosyon ang mukha niya. Masasabi ko talagang mas malamig siya kaysa kay Luca. Tumango siya at tuluyan akong bumaba ng hagdan.
Inabot ko ang hawak niyang maliit na paper bag. Tiningnan ko ang nasa loob at nakitang puro gamot ang nasa loob.
"Salamat."
"Denise!" Napatingin kami sa itaas ng marinig ang malakas na sigaw ni Luca.
Takang nakatingin si Lucan sa akin pero binalik din ang tingin sa itaas. Dali-daling bumaba si Luca. Ni hindi pa nga siya nakadamit. Tuwalya lang ang tumtakip sa hubad niyang katawan.
Kumalma ang mukha niya ng makita ako. "Denise, I thought you left again."
"Tiningnan ko lang kung sino ang pumasok." Lumapit siya sa'kin at hinila ako sa baywang.
