MAKALIPAS ang dalawang araw mula nang dumating si Von, tila naging kampante na si Allyson sa kaniyang nararamdaman. Ang selos na ipinakita ni Dark ay nagsilbing kumpirmasyon na hindi lang pang-aasar ang alam gawin nito bagkus ay talagang seryoso rin ito sa kanyang mga binitawang salita. Ngunit sa San Vicente, ang panahon ay kasing bilis magbago ng ihip ng hangin.
Tanghaling tapat noon at nagyaya si Von na mamasyal sa bayan.
"Ally, kailangan ko ng bagong charger, naiwan ko yata sa Maynila. Samahan mo muna ako sa town proper," hiling ng kaniyang pinsan habang kinakalikot ang kaniyang mamahaling sasakyan.
"Sige, basta ililibre mo ako ng kape," sagot ni Allyson habang sumasakay sa passenger seat ng SUV ni Von.
"Deal. Gusto mo ba ng strawberry shortcake? May bagong pastry shop daw sa tabi n
