PAGKATAPOS ng eksenang iyon sa bayan, tila ba may namuong tensyon sa loob ng ancestral house. Hindi na muling binanggit ni Allyson ang nakita; ang kawalan niya ng gana sa lahat ay damang-dama sa buong paligid.
Nang makarating sila sa bahay, dire-diretso si Allyson sa kuwarto niya. Hindi niya pinansin ang mga nag-aalalang tanong ni Manang Mirna kung bakit ang aga nilang bumalik at kung bakit mapula ang kaniyang mga mata.
"Señorita okay lang po ba kayo?" tanong ng matanda, pero tumango lang si Allyson at isinara ang pinto.
Nanatili si Von sa sala, pabalik-balik sa paglalakad. "Putangina talaga ni Dark," bulong niya. "Akala ko pa naman seryoso siya kay Ally."
"Ano raw, Señorito Von?" tanong ni Manang Mirna.
"Wala po, Manang. May nakita lang kami na hindi maganda."
Nang gabing iyon, sinu
