ANG ORAS ay dumapo na sa alas-siyete ng gabi nang magdesisyon si Allyson na hanapin si Dark sa southern fields. Sumakay siya sa lumang SUV na pagma-may-ari ng Mamita niya, mas praktikal dahil baku-bakong daan papunta doon—at sinundan ang mga direksyon na ibinigay ni Manang Mirna.
Ang daan ay puno ng lubak at bato, napalilibutan ng mga palayan sa magkabilang panig. Ang buwan ay bilog at maliwanag, nagbibigay ng sapat na liwanag para makita niya ang landas. Sa kalayuan, nakita niya ang hugis ng lumang kapilya—isang maliit na istrakturang bato na dati raw ay ginagamit ng mga magsasaka para magdasal bago ang panahon ng pagtatanim.
At doon, nakaparada sa tabi ng kapilya, ang pamilyar na pick-up truck ni Dark.
Ang puso ni Allyson ay tumibok nang mabilis—halo-halong ginhawa, kaba, at determ
