PAGDATING ni Xena at Zev sa Davao ay bumalik sila ng ospital, inaasahan niya na naroon sa entrance ng ospital si Maliyah pero hindi niya ito makita kahit saan. Huminto pa siya sa labas bago tuluyang pumasok para tingnan kung nasa paligid lang ba ito.
“Xena, let’s go,” aya sa kaniya ni Zev kaya napalingon siya rito. Nakahawak pa rin ito sa entrance door ng ospital. Tumango naman siya at sumunod dito.
Dumiretso sila sa elevator at pagpasok nila sa loob ay pinindot lang nito ang pinakahuling floor sa elevator indicator button. Tahimik lang sila pareho habang nasa loob ng elevator, parang pinapakiramdaman din siya ng binata. Pagbukas ng elevator ay lumabas na rin sila agad ni Zev pero nakakailang hakbang pa lang sila ay may scenario na nag-appear sa isip niya at parang biglang umikot ang pan
