Special Chapter 7
Gabi ng anniversary ng Imperial Shipyard. May mga nagpuntahan ring security agency para sa bidding na tinawagan ng mga staffs nila.
"Ang ganda mo pa rin." puri ni Danilo habang iniistima nila ang mga dumarating.
"Bolero-"
"Danilo? OMG. Sabi ko na, eh, ikaw ‘yan!" halos magtatalon ng sabi nang isang babaeng kapapasok lang sa malaking garden nila. Doon ang venue.
Medyo daring ang suot nitong red dress. Mahaba ang slit sa hita, parang kada hahakbang ito lalabas na ang undergarment. At ang dibdib parang sikip na sikip sa suot dahil gifted…
"Susie?" pangingilala ni Danilo sa dati nitong kapit-bahay na sinabuyan pa niya ng ihi.
"Oo! Sabi ko na, ikaw talaga ‘yan. Kaya nang may nagsabi sa’kin ng bidding for security agency para sa Imperial Shipyard ikaw agad ang naisip ko
