ZOEY'S P.O.V
Nagsasalita ang aking manager ng resto bar na ito ngunit ang aking isipan ay kay Ms. Capinpin. Nasaan na kaya ang babaeng ito? Kanina pa ito umalis at ang pagpapaalam niya ay pupunta lang ng banyo.
Panay ang tingin ko sa pambisig na relo at binibilang ko kung ilang minuto na ang lumipas. Hindi ako mapakali sa ganitong sitwasyon. Hindi ko rin mauunawaan ang sinasabi ng manager kung kaya't tinapos ko na lamang ang aming usapan.
Agad akong lumabas ng opisina at hinanap siya. Bigla akong napalingon sa drinking area ng bar dahil may kung anong ingay akong narinig. May mga taong nag-uumpukan kung kaya't nagmadali akong lumapit sa kanilang kinaroroonan.
Habang ako'y papalapit ay naririnig ko ang boses ng lalaki na umaatungal sa pagmamakaawa. Pati ang mga bouncer ng bar na ito
