GINA'S P.O.V
Tahimik akong nakaupo sa table ko at wala namang ginawa, kundi ang sulyapan ang lalaking abala sa kakapirma ng mga papeles. Hinihintay ko siyang matapos sa kanyang ginagawa. Tinatapos niya lahat ng mahahalagang bagay dahil mawawala siya ng isang linggo.
Masaya ako sa mga nangyari sa ngayon dahil pinagtatanggol niya ako. Mula kay Jayden iniligtas niya ako, ngunit hindi pa niya naekwento sa akin kung paano niya ako niligtas. Bakit naroon siya sa mga oras na iyon?"
Sumilay na naman ang ngiti ko sa labi nang may naiisip na naman na kalokohan. Ngunit ayaw ko siyang abalahin dahil nirurush niya ang tambak na mga papeles na kailangang pirmahan.
Naisipan kong etxt si Ate Grace para alam niya na mawawala ako ng isang linggo. Ang bakasyon ko sana sa Batangas ay hindi na natuloy.
