SHAO’s POV
Nandito lang pala sa apartment si Bebeng. Inihatid siya ni Madam.
Pero hindi ko naman pinagsisihan na dumiretso ako sa bahay nina Mommy at Daddy dahil may mas magandang nangyari. Nalaman na nila na nagkikita kami ni Bebeng. Ito lang ang pwede kong ipagpasalamat sa ginawa ni Mari. Sinabi ko sa kanila ang lahat.
Nagpunta kami sa bahay nina Bebeng. Nagulat pa si Tita Malou.
“Ma’am Analyn? Sir Shador? Kayo po ba iyan? Hindi ba ako nananaginip, Ezra?” tanong ni Tita Malou. Kilala pa niya sina Mommy at Daddy. Ako naman ay nakatayo lang sa may pintuan dahil hindi na kami magkakasya sa loob ng tinutuluyan nila. Napakaliit pa lang talaga. Grabe ang pagtitiis ng mag-ina rito. Pati si Ezra ay nahirapan at kailangan mag-adjust sa lugar kung nasaan ang Mama ng aking mahal.
Nagkaroon
