BEBENG’S POV
Lumipat kami ng resort ni Shao. Ayaw niyang masira ang moment naming dalawa dahil sa mga walang kuwentang taong nakita ko. Honeymoon namin ito, kaya ang gusto lang ni Shao ay puro magagandang alaala ang aming maranasan dito sa Palawan.
Hindi ko na naman sila nakita sa pag-alis namin. Natatakot din akong magkaroon ng gulo dahil nagbanta na si Shao na kapag nakita niya ang dalawang iyon, hindi niya palalagpasin ang pagkakataong ipaghiganti ako sa pambabastos na ginawa ng mga lalaki. Hindi ako tulad ng iniisip nila. Nai-table ako at pumasok sa club, pero hindi iyon sapat na dahilan para husgahan ang pagkatao ko.
Masakit isipin na sa isang iglap ay kaya kang husgahan ng mga tao base lang sa lugar na pinasukan mo. Na kapag pumasok ka roon, wala ka nang dignidad at wala ka nang
