BEBENG’s POV
“Mama, iwan po muna namin kayo. Ang gamot po ninyo, huwag po ninyong kakalimutang inumin. Kapag may naramdaman po kayong kakaiba, magsabi lang po kayo kay Ezra para masabi po kay Shao.” Sanay na ako na laging kasama si Mama kahit wala pa itong sakit. Ngayon lang ulit mangyayari na magkakalayo kaming dalawa nang matagal. Isang linggo kaming magkakawalay.
Papaalis kami ni Shao ngayon para sa aming honeymoon. Magkakasarilinan kaming mag-asawa. Kahapon kami ikinasal sa huwes. Nandoon ang buong family ni Shao Tinanong naman ni Shao si Mama kung gusto nitong sumama sa amin pero tumanggi siya. At saka hindi talaga puwede dahil may schedule siya ng dialysis.
“Mag-enjoy lang kayo. Huwag mo akong alalahanin. Okay na okay kami ni Ezra. Pati ang biyenan mo ay nag-offer din na sasama
