SABADO. Maagang naghanda si Eveleen para sa pagpasok niya sa resto. Sinabihan siya ng tiyuhin kagabi na huwag na munang pumasok ngayong araw dahil anong oras na sila nagsara kagabi dahil sa dami ng tao. Pero dahil ayaw niyang mabagot ngayong araw sa apartment, papasok siya.
Marahil nakasanayan niya na 'yon noon pa man. Tinutulungan niya ang ama't ina na magtanim ng mga gulay, mag-igib, at tumulong sa gawaing bahay noong mga panahong nasa probinsya pa sila. Nakahanap lang sila ng bahay sa Rizal ngunit para pa rin silang nasa probinsya dahil sa buhay nila roon.
Nitong naghayskul siya ay unti-unti niyang niyakap ang pagiging moderno dahil sa Sta. Cecilla siya nag-aaral.
Nasa labas na siya ng gate nang mapaigtad sa gulat nang makita niya sa kanyang peripheral vision ang isang binatang n
