SALUBONG ang kilay at napailing si Lara nang mapahinto siya sa ikalawang kalye pabalik na ng St. Montecarlo. Bitbit niya ang dalawang plastic bag na puno ng mga pagkaing nasa listahan na ibinigay sa kanya ng among si Carolina. Pinaalalahanan pa siya nito kanina na huwag na munang aalis at sabay na lang silang magtutungo sa supermarket mamaya matapos ang meeting nito dahil sa pagbabadya ng malakas na ulan.
Hindi nga siya nagkamali. Heto nga’t tila ba sinasalubong pa ang pagbalik niya ng isang kumpol ng ulap na kulay abo. Nagmadali siyang lumakad at inuunahan ang mga kaulapang iyon na lumaki pa. Usal siya nang usal ng panalangin na huwag sanang maabutan nito lalo na ngayong pakagat na rin ang dilim.
Mas binilisan niya ang lakad nang matanaw niyang nasa paligid na siya ng akademya ngunit al
