KATULAD ng daily routine ni Eveleen pagkatapos ng uwian, dumiretso siya sa Paulo's Kitchen ngunit nahinto siya sa pagbubukas ng sliding door nang masilip ang seryosong pag-uusap ng tiyuhin, ni Claude, at Isaiah habang nagpupunas ng mesa ang dalawa sa lobby. Dahil doon, nalala niyang hindi pa sila nagkakausap nang maayos ng tiyuhin mula noong araw na dumating si Sophie sa section nila.
Hindi niya alam kung nasabi na ba ito ni Claude o hinihintay lang ni Paulo na siya mismo ang mag-open up ng tungkol doon. Kahit sa kanyang mga magulang ay hindi niya mabanggit ang pagkikita nilang muli ng dalaga kapag nakikipagkumustahan ang mga ito sa kanya.
Kailangan niya ring mabanggit sa tiyuhin ang tungkol sa pagsa-sideline niya tuwing weekend bilamg isang delivery girl. Maganda ang ideya na 'yon ni
