Kitang-kita ni Luciano kung paano naisakay nang ganun kabilis ng isang lalaki si Amara sa mini van. Parang sandaling nanlaki ang ulo niya sa nakita, hindi siya kaagad nakagalaw. Dahil hindi tinted ang bintana ng sasakyan, nasilayan niya pa si Amara na nasa loob ng sasakyan habang tila humihingi ng saklolo ang mga mata nito. Doon lang siya natauhan, mabilis niyang nilisan ang bintana at patakbong bumaba. Inabutan niya naman ang van pero papaalis na iyon kaya humabol siya, nakalampag niya pa ang hulihang bahagi ng sasakyan habang isinisigaw ang pangalan ni Amara. Sinubukan niyang kapitan iyon, umaasa na mapipigil ang mabilis na pagtakbo noon pero nakaladkad lang siya na naging dahilan para magpagulong-gulong siya sa sementadong hi-way. Sinubukan niyang tumayo ulit para humabol pero bumagsak
