Napalingon sa pintuan ng dining room si Avon kung saan nakangiting nakatingin si Cheska. Nanlaki ang mga mata niya nang makita si Angel na nakatayo doon.
Sexy na sexy ito sa suot na high-waist tattered jeans at black crop top na corset. Ang sapin nito sa paa ay black wedge na gladiator. Nakalugay ang hanggang bewang na blonde nitong buhok na kinulot pa ang dulo. At gaya ng sinabi ni Cheska noon ay para nga itong real-life barbie.
“Oh my! Na-surprise ko ba kayo?” komento nito nang walang ni isa ang nagsalita pagkatapos bumati ni Cheska.
“Angel, ikaw na ba talaga ‘yan?” nanlalaki ang mga matang tanong ni Sophie.
“The one and only, Tita.” Lumapit ito kay Sophie at niyakap nang mahigpit ang ginang na tila ba namimis na nito ito. “Hey, Tash, Kuya Art!” anitong kinawayan pa si Tasha at Art
