“Hmmnn… I like that. Mas challenging, mas rewarding,” balewalang tugon ni Angel. Para pa itong nagkaroon ng lakas ng loob na gawin ang anumang nais nito.
“Sinabi ko na sa’yo noon pa. May girlfriend na ako at pinsan mo ang girlfriend. At sa totoo lang ayokong maging bastos, pero hindi mo naman siguro ikakapangit na magkaroon ng self-respect. Excuse me.” Iritadong umalis si Keith sa sala at nagpunta sa pool kung nasaan ang dalawa niya pang kakambal. Nakaupo ang mga ito sa recliner habang umiinom ng coke na nasa lata.
“Ba’t nakabusangot ‘yang mukha mo?” nagtatakang tanong ni Kristoff nang umupo siya sa tabi nito. “Nag-away kayo ni Avon?” dagdag pa nito.
“Hindi, ‘no?” mariing tanggi niya. Inagaw niya ang soda na hawak ni Kristoff at inubos ang laman nito.
“Hey, that’s mine!” agad na angal
