“Hi, Kuya! Ang aga mo yata ngayon?” bungad na tanong ni Avon nang makita ang kapatid sa sala na nanonood ng tv. Kahahatid lang sa kanya ni Keith at medyo nagulat siya nang makita ang kapatid. Usually kasi ay gabi na ito umuuwi. “Wala kayong date ng girlfriend mo?” dagdag niya pa.
Sumimangot si Art at inirapan lang siya. Hindi rin ito sumagot sa tanong niya.
“Ahh..may LQ.” Tatango-tango pa siya habang may nakakalokong ngiti sa mga labi. Ito na yata ang tinakdang panahon para siya naman ang makapang-asar sa kuya niya.
Nilapitan ni Avon ang kapatid at tumabi rito ng upo. Naglalambing na niyakap niya ito sa braso at inihilig ang ulo sa balikat nito.
“You can cry on my shoulders, Kuya if you want,” nakangising asar niya rito.
Inis na iniwaksi nito ang kamay niya kung kaya nabitawan niya a
