PANAY ang iyak ni Honey sa kahabaan ng pasilyo ng hotel. Nilagpasan siya ng mga bisita na naiiling at hindi makapaniwala sa nasaksihan. Nangangatal ang kanyang labi dahil sa sobrang kahihiyan. Hindi niya kasi inaasahan na aamin ang dalawa sa relasyon ng mga ito. What’s wrong with them? Bakit ngayon lang sinabi ng mga ito ang tungkol sa kasal?
Damn it!
Hindi na kailangang isipin pa na ilusyunada ang tingin sa kanya ng mga bisita.
“I can’t believe it! She accused Lauren as Finn’s mistress!” anang isang babae na napadaan habang parang dismayadong nakatingin sa kanya.
“Tsk! Hindi nga rin ako makapaniwala na nabilog niya ang ulo ko. If I was her baka magtago na ako sa ibang bansa.”
Halos lahat ay pare-parehas na masama ang tingin sa kanya. Hinawakan siya sa braso ni Mandy at saka dinala
