“MA’AM LAUREN, I’m sorry po! H-hindi ko kasi akalain na bibisita kayo rito sa shop!” nakayuko na wika ng manager na nalaman niyang Mia Melendez ang pangalan.
Naroon sila sa opisina nito. Naroon din ang saleslady na Jona ang pangalan. Kapwa kagat ang mga labi at parehas na hindi makatingin sa kanya. Hindi niya gusto ang naidahilan sa kanya ng babae. Ibig ba nitong sabihin, kung walang dadalaw at susuri sa branch na iyon, patuloy itong mangmamata ng parokyano nila?
Naisip ni Lauren kung sino ang teenager na pinaalis nito kanina. Kung tutuusin ay pamilyar sa kanya ang dalaga.
“Hindi ninyo nagampanan ang trabaho n’yo sa shop. Naging mapanghusga kayo sa mga customers na nagpupunta rito. Isa pa, bakit kailangan n’yong alamin kung may pambili sila o wala? Masyado nang personal ang bagay na
