(Present time)
HINDI mapakali si Lauren. Ilang araw na siyang nasa bahay lang at nais niyang mag-isip nang mabuti sa mga plano niya. Dalawang lalaki ang nag-aalok sa kanya ng kasal. Ang isa na dapat naman talaga ay pakakasalan niya, ang isa naman ay matalik niyang kaibigan. Alam niya sa puso niya na si Finn ang nais niya—but he already broke her heart.
Ang pumayag na magpakasal dito ay maihahalintulad sa isang kuneho na pumasok sa balwarte ng isang tigre. Alam ng kuneho na may panganib sa lugar nito, ngunit tumuloy pa rin para ipakain ang sarili sa mabangis na tigre.
Tumunog ang alarm tone ng Viber niya sa cellphone. It was Bobby.
“Tsk!” Naiinis siyang tiningnan ang mensahe nito.
Lauren, I’ll talk to my dad to give you enough time to pay your debt, but please let us meet. Ang sina
