"Lianne! Lianne!" Sunod-sunod ang ginawang pagkatok ni Gerard sa pinto ng guest room ng mansiyon nilang mag-asawa.
Walang imik si Lianne, nakahiga lang siya at nakatingin sa nakapinid na pinto na kulang na lang ay gibain ni Gerard. Napailing na lang siya, tila nagkukumahog ito ngayon na makausap siya. Itinuon na lang niya ang atensiyon sa cellphone dahil may dumating na mensahe galing kay Russel. Napangiti siya. Kanina pang umaga padala nang padala sa kaniya ng mga sweet messages ang bilyonaryo. Aaminin niya na kahit papaano ay nababawasan niyon ang problemang dinadala niya sa ngayon. At nagpapasalamat din siya nang ibalita sa kaniya ni Issy na bumubuti na ang kalagayan ni Mary Ann. Kahit papaano ay ayaw niyang may masamang mangyari sa asawa ni Russel. Naging mabuti sa kaniya si Mary Ann
