Nang gabing iyon gaya ng iba pang mga nagdaang gabi ay tila estranghero na ang kaniyang asawa. Uuwi ito ng pasado alas otso ng gabi, kakain nang kaunti at pagkatapos ay aakyat na ng kwarto para matulog. Kapag tinatanong naman niya kung kumusta ang araw nito sa trabaho ay puro naman positibo ang sagot.
Iyon ang hindi niya maintindihan. Tila naka-schedule lahat ng gagawin nito sa loob ng beinte kuwatro oras. Nasa oras ang pag-alis ng bahay, gano'n din ang pag-uwi at maging ang pagtulog ay nasa oras. Hindi niya tuloy maiwasang isipin na may ibang babaing kinalolokohan ang asawa niya.
"Gerard," usal niya matapos umiling nang pagpasok niya sa master's bedroom ay malakas na hilik nito ang sumalubong sa kaniya. Natutulala na lang siya sa nakikita. Naroon na naman ang mga unan na nakalagay sa gi
