"Mom?" saad ni Lianne sa kabilang linya. "Desidido po ba kayo ni dad na um-attend sa birthday party na 'yon?"
"Oo naman, anak," tugon ni Melinda. "Bakit hindi? Inimbitahan tayo ng asawa ng gobernador. Nakakahiya kung hindi tayo pupunta. Importanteng tao sila at malaki ang maitutulong nila sa negosyo natin lalo na sa negosyo ni Gerard."
Kahit sa cellphone lang sila nag-uusap ay nababanaag ni Lianne ang inis sa boses ng ina. Kutob niya ay nakataas na naman ang kilay nito dahil hindi nagustuhan ang sagot niya. Wala kasi siyang plano na sumama kay Gerard sa pagdalo sa party na iyon.
Ayaw niyang dumalo sa pagtitipon na 'yon dahil dadalo rin si Russel at ang asawa nito. Matindi ang inggit niya kay Mary Ann at ayaw niyang makita na magkasama ang mga ito. Pihado kasi na lalamunin na naman siya
