Gabi na at mag-isa na naman siya sa bahay nila ni Gerard dahil umuwi na si Manang Iska. Pasado alas siyete na ng gabi at wala pa rin ang asawa niya. Nagugutom na siya kaya nagsimula na siyang kumain ng hapunan. Hindi na niya hihintayin si Gerard dahil baka hatinggabi na umuwi gaya noong nakaraang gabi.
Araw-araw ay tila lalong lumalala ang sitwasyon nila ng asawa. Hanggang ngayon ay tila ayaw siya nitong kausapin. Magsasalita lang kung may itatanong siya kaya lalong sumasama ang loob niya rito. Kapag tinatanong naman niya si Andrea ay palagi nitong sinasabi na wala naman itong napapansing kakaiba kay Gerard. Masyado lang daw tutok sa trabaho ang asawa niya kaya gano'n ang ugali.
Habang lumilipas ang mga araw ay mas lalong nadadagdagan ang kutob niya na may kakaiba talagang ginagawa si Ge
