Bahala na. Iyon ang pumasok sa isipan ni Lianne habang nagsusukat ng damit sa isang kilalang boutique na naroon sa loob ng mall. Sa Linggo na ang birthday ng gobernador at kinakabahan siya sa muli nilang pagkikita ni Russel Ferrer. Natitiyak niya kasi na dadalo ang bilyonaryong iyon kasama ang asawa.
Hindi naman niya magawang humindi sa mga magulang dahil ayaw niyang bigyan ang mga ito ng sama ng loob. Sa utak niya ay naglilipana na ang mga senaryo na maaaring mangyari sa pagtitipong iyon. Kasama ni Russel ang asawa at aminin man niya o hindi, nagseselos siya rito. Parang pinipiga ang puso niya sa kaalamang magkasama ang dalawa at sweet na sweet sa isa't isa.
"Anak?" saad ni Melinda na naroon sa labas ng fitting room. "Naisukat mo na ba? Patingin nga."
Tila walang naririnig si Lianne. N
