JASMINE’S POV
Hindi ko alam kung ilang mura na ang lumabas sa bibig ko sa panibagong araw sa apat na sulok ng kwartong kinalalagyan ko. Hindi ko na rin mabilang kung ilang ikot na ang nagawa ko habang nagiisip ng paraan para makalabas dito. Habang lumilipas ang araw na pananatili ko rito ay s’ya ring bilang ng buhay na nawawala sa islang ‘yon. Pero kahit makalabas ako rito ay hindi ko rin alam kung saang lupalop matatagpuan ang Isla Menterio kaya wala rin silbi kong makakalabas ako rito.
Ahhhhh! Hindi ko na alam ang gagawin! Napaupo ako sa higaang kahoy at napasapo sa magkabila kong ulo. Sumasakit na ang utak ko. Si Claude, ayokong matulad s’ya sa kapatid n’ya. Sana ay ligtas s’ya dahil kung hindi ay may panibagong kasalanan na naman ako kay Skyler. Hindi ko s'ya naprotektahan noon kaya
