Mawawala ang pagkaantok ni Xenon, at ang pagod na kanyang nararamdaman ay tila napawi bigla sa buong sistema niya. Gising na gising ang diwa niya na tatahakin ang daan papunta a Council Hall. Alam ni Xenon na hindi magiging madali itong magiging pag-uusap niya sa Council kung kaya ay ihahanda niya ang kanyang sarili. Kung papatawan man siya ng Council dahil nangyaring masama kay Zeke ay tatanggapin niya ito nang buong puso. Tanggap ni Xenon na dahil ito sa kapabayaan niya kung bakit napahamak si Zeke, lalo na't alam niya na dapat palaging nauuna ang kaligtasan ni Zeke sa kasalukuyan. Wala dapat na mangyaring masama kay Zeke. Dahil kung tuluyan na mawalan ng buhay si Zeke, wala nang magagawa ang Dream Walkers upang matalo nang tuluyan ang mga Night Terror at hindi matuloy ang mga masamang p
