Pigil ang hininga na itatapak ni Xenon ang kanyang paa sa huling pagkakataon sa ibabaw ng nakatayong bato bago siya tuluyan na tatalon papunta kakabukas lamang na portal. Mahigit isang metro ang layo ng portal mula kay Xenon. Kung kaya ay kailangan niyang tumalon upang mas mabilis siyang makapasok dito nang hindi nahahabol at natatamaan ng purong itim na usok kahit maliit na parte lamang.
Ipipikit ni Xenon ang kanyang mga mata habang nasa ere ang katawan niya. Paulit-ulit niyang isasambit at ipagdadasal sa loob ng isipan niya na walang mangyayari sa kanyang masama, na hindi siya madadaplisan ng itim na usok, na makakarating siya sa kabilang banda ng portal nang buhay at hindi bilang ang oras ng kanyang paghinga. Mawawala sa isip ni Xenon kung gaano na siya katagal sa ere. Mawawala ang ate
