“Nabigyan ko ba ng linaw ang katanungan mo, Zeke?” itatanong pa ni Council Emilio nang nanatiling tahimik si Zeke.
Malayo ang tingin ni Zeke. Pilit niyang uunawain ang lahat ng sinabi ng Council sa kanya. Ngunit sa tuwing mauunawaan na niya ang naging mga paliwanag ng Council ay tila may bagong katanungan naman ang mabubuo sa utak niya. Parang hindi siya mauubusan ng tanong patungkol sa katauhan niya na sinasabi ng Council ay nagmula pa kay Ezekiel.
Ibubukas ni Zeke ang kanyang bibig upang magtanong ulit. Ngunit ititikop niya ito sa pagdadalawang-isip niya na baka masyado nang marami ang tinatanong niya sa Council. Mapapalingon siya sa kanyang tabi, kay Xenon, nang maramdaman niya ang paglapat ng kamay nito sa kanyang balikat. Bahagya nito pipisilin ang kanyang balikat nang mahina tila n
