Ihahakbang ni Zeke ang mga paa kahit pinapalakas pa lamang niya ang sarili. Hihinto siya sa tabi ni Xenon habang humuhugot ng malalim na hininga. Ibubuga niya ito nang mabigat sa bibig niya. Mapapalingon si Xenon sa kanya nang may hindi maipaliwanag na ekspresyon na nakapinta sa mukha nito. Magtatama ang kanilang mga tingin sa isa’t isa. Magbabago nang bahagya ang mga mata ni Xenon, lalambot ito at may halong pag-aalala.
Ngingitian ni Zeke si Xenon at tatanguan. “Kaya ko ‘to. Ilang beses na ba akong hinabol ng mga ‘to sa panaginip ko? At palagi naman akong nakakatakas nang buhay,” may halong pagbibiro na isasaad ni Zeke sa kasintahan. Pinapagaan niya ang pumapalibot sa kanila na mabigat na emosyon ng pag-aalala. Lalaki pa lalo ang ngiti ni Zeke upang sabihin kay Xenon na wala dapat na ipa
