Sinadya kung maagang gumising dahil gusto ko makita ang mukha ng aking natutulog na asawa. Kaya ito ako ngayon nakangiti habang nakatingin sa kanyang mukha at isa-isang inaalis ang ilang hibla ng buhok sa kanyang mukha. Kapansin-pansin parin ang namamaga niyang mga mata dahil sa sobrang pag-iyak nito kagabi. Alam kung hindi madaling tanggapin yung ginawa niya sa akin, pero pinili ko paring patawarin siya dahil mas nangibabaw sa akin ang pagmamahal ko sa kanya. At nang mga panahon na lagi siyang umaalis na hindi nagpapaalam sa akin, doon ko nareliaze na kung gaano ko siya kamahal at kung gaano ko siya kagustong makita. Lagi akong nangungulila sa tuwing umaalis siya at para rin akong tanga dahil hindi ko alam kung saan ba ako magsisimula para hanapin siya. At nasasaktan rin ako ng makita siy
