“FINALLY, you’re awake.”
Napapitlag ako nang marinig ang boses na iyon. Iyong hikab na handa ko na sanang ibuga ay tila umurong at muling bumalik sa loob ng aking katawan kung saan ito nanggaling nang dahil sa gulat. Kakamulat ko lang ng aking mata kaya natural lang na ganito ang maging reaksiyon ko, ’no. Ni hindi pa nga ako nakakapagtanggal ng muta sa mata. Baka nga may natuyong laway pa ako sa gilid ng labi.
Mabilis akong bumalikwas ng higaan ngunit halos masambit ko lahat ng klase ng mura nang maramdaman ko ang pananakit ng aking katawan lalo na sa ibabang bahagi nito. Mula sa aking bewang pababa sa aking mga binti ay ramdam ko ang matinding kirot at hapdi.
“Sh!t, ang sakit,” nakangiwing usal ko saka muling humiga. Mariin akong napapikit saka kinagat ang loob ng pang-ibaba kong labi
