Louise
“THAT’S enough. Pumasok na kayo sa loob!” Mariin akong napalunok nang dumagundong ang boses ni Lolo na seryosong nakatayo sa b****a ng pintuan.
Parang gusto ko tuloy kumaripas na lang ng takbo dahil sa nakikitang pagiging seryoso ng kaniyang kulubot na mukha.
Bumaling ako ng tingin kay Daddy na nasa aking tabi para humingi ng tulong. Ngunit tanging pagtango lang ang isinagot niya sa akin. Narito na ako, eh. Wala na akong magagawa kung ’di harapin ang galit ni lolo dahil sa paglalayas na ginawa ko.
Humugot muna ako ng isang malalim na buntong-hininga bago dahan-dahan na lumapit sa kinaroroonan ni Lolo. Pakiramdam ko tuloy ay lalabas na ang kaluluwa ko mula sa aking katawan dahil sa labis-labis na kaba habang papalapit sa kaniya. Parang bigla na lang siyang maninipa o kaya magbu
