JOSHUA’s POV
Kaagad na nagsalubong ang dalawa kong kilay nang makita ang mukha ng kinakapatid kong si Lexy pagkabukas ko ng main entrance door ng bahay ng aking mga namayapang magulang.
Nabalitaan ko ang nangyari sa kanilang tatlo nina Margie at Ethan. Hindi ako makapaniwalang nagawa niya iyon sa kanyang matalik na kaibigan.
Ilang araw nang usap-usapan sa buong campus ng aming university ang nangyaring hiwalayan sa pagitan ng babaeng iniibig ko na si Margie Samaniego at ng ex-boyfriend nitong si Ethan Zalriaga nang dahil kay Lexy.
Ang kumakalat na balita ay sinulot daw ng aking kinakapatid si Ethan mula sa kanyang sariling best friend na si Margie kaya naman hindi na napagkikitang magkasama ang dating sobrang close na magkaibigan.
Nang mabalitaan ko iyon ay kaagad akong nakaramdam ng
