3 DAYS CAMP: The Camp that Brings you to Death

PROLOGUE: Ordinaryong mag-aaral lamang sila. Nag-aaral ng mabuti, nagkokopyahan, nagt-tsismisan, nagrereview at nagpa-participate sa mga activity sa school. Ang akala ng iba, napakabait nila. Inosente. Mga walang-muwang at ang tanging kagustuhan ay ang mag-aral ng mabuti at makapagtapos ng high school. NGUNIT… Iyan ay BAGO mangyari ang 3 DAYS CAMP. Ang tatlong araw ng camping na babago sa buhay nilang lahat. Ang tatlong araw ng camping na kikitil sa buhay ng mga mag-aaral na nagnanais lamang mag-aral ng mapayapa. Bakit nga ba nangyari ang lahat ng ito? Dalawampung taon ang nakararaan unang nangyari ang 3 Days Camp. Ang mga kabataan noon ay mga responsible. Mga pursigido mag-aral upang makatulong sa kani-kanilang mga pamilya. At sa kanilang huling taon sa sekundarya ay hindi nila sinayang ang pagkakataon upang magkaroon ng tatlong araw na kasiyahan sa isang lugar bago pasukin ang buhay kolehiyo. Sa henerasyong ito ay panibagong camping ang magaganap. Tatlong araw na puro kasiyahan at mga aktibidad lamang. Tatlong araw na malayo sa nakaka-stress na mga gawain sa paaralan. Sino nga ba ang aayaw na makasama mo ang mga barkada mo? Ang mga mga kaklase mo? Ang crush mo?  Ngunit bakit may mga taong nais tapusin ang sandaling kasiyahang ito? Bakit may mga taong hindi natatakot gumawa ng kasalanan para sa pansariling kagustuhan? Kaya mo bang labanan ang kamatayan? Kaya mo bang ipaglaban ang sariling buhay? Kaya mo bang mabuhay? Halika, alamin natin ang lihim ng misteryosong kamatayan ng mga kabataan sa 3 Days Camp.