"I... am finally setting you free. Malaya ka na sa akin. Pinapakawalan na kita, dahil... mahal kita, Ireta. Mahal na mahal kita..."
Paulit-ulit ang litanyang iyon sa utak ni Ireta, tila naririnig pa niya ang baritonong boses ni Lukas na binubulong ang bawat kataga sa tainga niya.
"Mahal kita, Ireta. Mahal na mahal kita..."
Trumiple ang pagsisikip ng dibdib ni Ireta. Matagal niyang hinintay na marinig mula sa mga labi ni Lukas ang mga katagang iyon, ang mga kataga ng pag-ibig, pero hindi niya akalaing sasambitin nito iyon kung kailan nag-aagaw buhay na ito.
Ilang beses niyang sinabi rito na huwag nitong ipipikit ang mga mata, subalit bumagsak din ang mga talukap nito.
Habang minamasdan niya ang nakapikit na mukha ni Lukas ay para siyang mababaliw. Tila siya nakakulong sa loob ng malak
