Chapter Fifty-Six
SEBASTIAN
“TOL, samahan mo muna ako. May importante tayong pupuntahan. Bilisan mo,” wika ko kay Matinik na kasalukuyang nakikipaglaro sa pamangkin ko.
Kaagad naman siyang tumayo saka sumunod sa akin sa labas.
“Mahal mag-iingat kayo!” pahabol ni Sam na nakatayo sa may pintuan ng aming bahay.
Bago ako sumakay sa aking motor ay nginitian ko muna siya.
“Tara na tol,” sabi ko kay Matinik saka ko pinaandar ang aking motorsiklo.
Binaybay namin ang daan patungo sa San Agustin dahil iyon ang sinabi ni Sir Tolentino.
NANG makarating kami sa mismong bayan ng San Agustin ay tinungo namin kaagad ang kinaroroonan ng mga nagkukumpulang mga tao.
Nang makita ko si Sir Tolentino ay kaagad akong lumapit sa kanya.
“Nakumpirma mo na ba Sir kung siya yung unidentified caller natin?”
