Sa lahat ng mga nalaman ko tungkol sa mini forest at sa tree house, isa lang ang nasisiguro ko. Sigurado akong mahalaga kay Trio Trivino kung anong mga naganap dito. Maganda man o hindi ang kinahinatnan, the fact na hindi niya hinayaang pasukin ito ng kahit na sino ay mahahalatang significant sa kaniya ang mga napagdaanan dito.
Ngunit kung may naganap ngang pagpatay, sino ang namatay at sino ang pumatay?
Hindi kami nagtagal ni Rio nang mapansin naming mas dumilim ang paligid. Nang subukan kasi niyang tingalain ang langit, nagbabadya na raw ang ulan. Binalikan naman kaagad namin si Brando saka sumakay pabalik ng kwadra. Na-i-lock naman ang mismong gate bago namin iyon nilisan.
“So, nasaan ang sumpa?” tanong ko sa kaniya nang marating na namin ang kwadra. Ipinuwesto niya sa kinal
