Chapter 18: The Date Part 2
Sa wakas ay nasapit na ng dalawa ang ilaim ng puno ng acacia. Dito kasi nila piniling dumako para mapag-usapan ang tungkol sa kambal ni Lance. Agad na umupo sina Denise at Lance sa luntiang damuhan. Ang kalmadong samyo ng hangin ay napakasarap damhin. Nakakapagpakalma ng balisang pag-iisip.
Napabuntong hininga muna si Lance bago simulan ang pagsasalita. “To start with, ang pangalan ng kapatid ko ay Sance. Sance Vladimir. Isang simple at hindi pangkaraniwang pangalan na natatarantang lumabas sa bibig ni mama. Nanganganak na kasi siya nang malaman na hindi lang pala isa ang ipinagbubuntis niya. Kundi kambal.”
“Ano? Paanong nangyari na hindi alam ni mama mong kambal pala ang dinadala niya? Hindi ba siya nakapagpa-ultrasound?”
“Nakapag-ultrasound siya,
