“Kumusta mga bakla?”
Hindi pa man sila nagbubukas ng restaurant ng umagang iyon ay dumating na si Charlie.
Sabay-sabay nila itong nilapitan para salubungin at napansin agad nilang bahagya itong umitim.
Iniabot agad nito sa kanila ang mga pasalubong nila at nang balak niya itong kausapin ay nagpaalam naman itong magpapahinga muna.
Lumipas ang maghapon na hindi nagpakita sa kanya sa restaurant ang dati niyang amo. Lihim niya iyong ipinagpasalamat at nahiling niya na sana nga ay tantanan na siya nito. Gusto niya ng maayos at normal na buhay, buhay kung saan dadaan siya sa maayos na pakikipagrelasyon hanggang sa magpakasal na siya at magkaroon ng sariling pamilya. Bagay na hindi mangyayari kung patuloy siyang magpapadala sa Sir Matthew niya. Kaya kahit ang kausapin ito ay iniiwasan na niya
