Umuwi ako ng Pilipinas. Tinupad ko ang pangako ko kay Aria. Kahit na masakit ay pinilit kong iwan ang anak namin. Hindi ko siya kayang talikuran pero kailangan. Nakilala na ako ng anak ko. Nakasama ko siya kahit na sandali lang ang oras na inilaan sa amin. Masaya pa rin ako dahil alam ko na ako ang kinikilala niyang ama.
"What? May... may anak kayo ni Aria?!" hindi makapaniwalang sabi ni Miggy. "At hindi ka na magpapakita?! What the hell, Kuya?!"
'Yan agad ang reaksyon niya nang ikwento ko ang dahilan kung bakit ako pumunta ng New York. Sa bahay agad nila ni Aaliyah ako dumirestso. Hindi muna ako umuwi sa condo ko. Kailangan ko ng masasandalan sa ganitong pagkakataon. I need my brother.
Mabilis kong pinalis ang luha na tumulo sa aking mga mata. Hanggang ngayon ay hindi pa rin mawala sa
