Kahit na sinampal ako ni Victor ay hinabol ko pa rin siya. Hindi ko ininda ang tingin ng mga tao sa akin dito sa building nila. Ang tanging gusto ko lamang ngayon ay makausap siya. Binilisan ko ang aking takbo. Mabuti na lang ay naabutan ko siya sa elevator. Ang ibang mga nakasakay ay nagbubulungan na. Hindi ko na lang sila pinansin.
"Victor..." hinawakan ko ang kanyang braso. Ang mga mata ko ay lumuluha pa rin. "Pakinggan mo muna ako. Please..." sumamo ko.
Hindi niya ako sinasagot. Kahit lumingon sa akin ay hindi niya magawa. Para lamang akong hangin sa kanya. Kulang na lang ay lumuhod ulit ako sa harapan niya para lang pansinin ako.
Bumukas ang elevator nang nasa ground floor na kami. Marahas niyang binawi ang kanyang braso. Naglakad na siya palabas. Pinunasan ko ang aking mga luha. S
