“WHAT ARE you thinking, Gem?” masuyong tanong sa kanya ni Matthew.
Ilang sandali na ang lumipas at hupa na ang nakakaliyong damdamin. Ayaw man niya ay nasa kasalukuyan na ang kanyang sistema. And maybe she was foolish. Dahil bagaman lahat ng himaymay ng katawan niya ay umaaming nasiyahan sa nangyari ay may isang bahagi ng utak niya na tila nais magsisi.
“God, hindi ito dapat nangyari,” mahinang sabi niya. Inayos niya ang damit at hinagilap ang kanyang panloob. Napangiwi siya dahil natagpuan niya iyong nilalaro ng mahinang along humahampas sa batuhan. Siguro, kung hindi niya iyon hinanap agad ay malamang na inanod na iyon ng dagat.
“You wanted it. I wanted it.”
Hindi siya agad na kumibo at piping inamin ang kanyang kahinaan. “Babalik na ako.”
Maagap na inabot nito ang braso niya. “Let
